Биік сезім

Биік – бойы аласа, жігерлі жігіт. Ол өзінің курьерлік компаниясында жұмыс жасайды. Биіктің бойының аласа болуы үнемі күлкілі жағдайларға ұрындырады, әсіресе қыздармен қарым-қатынаста. Бір күні Биік әлеуметтік желі арқылы танысқан Айгүлмен кездесуге барады. Алайда, бойының кішкентай екенін көрген Айгүл сылтау тауып кетіп қалады.Ресторанда жалғыз қалған Биік көрші үстелде отырған ұзын бойлы, сұлу қыз – Сезімді байқайды. Сезім – табанды, мықты мінезді волейболшы. Ол өзін толығымен спортқа арнаған. Биік пен Сезімнің бірнеше күлкілі кездейсоқ кездесулері олардың жолдарын тоғыстырады: көлік апаты, стоматологиядағы кездесу, коньки тебу және т.б. Осы сәттен бастап, екеуінің арасында бір-біріне ұқсамайтын, бірақ бір-біріне ерекше әсер ететін байланыс орнайды. Алғашында Сезім Биікті жеңілтек, жауапсыз адам деп қабылдайды, ал Биік оны тым қатал әрі суық деп ойлайды. Бірақ олар бірге көп уақыт өткізген сайын, бір-бірінің бойынан бұрын байқамаған нәрселерді көре бастайды.